అయోధ్యలో రామయ్య దర్శనానికి పోటెట్టిన భక్తులు...
ఆకాంక్ష న్యూస్ - న్యూఢిల్లీ / న్యూఢిల్లీ : అయోధ్యలో రామయ్య దర్శనానికి భక్తులు పోటెత్తారు. సోమవారం మధ్యాహ్నం బాలరాముడు భవ్య మందిరంలో కొలువైన విషయం తెలిసిందే. మంగళవారం ఉదయం నుంచి సాధారణ భక్తుల దర్శనానికి అనుమతిస్తున్నారు. దీంతో రామలవారి దర్శనానికి పెద్దసంఖ్యలో భక్తులు తరలివచ్చారు. తెల్లవారుజామున 3 గంటలకే మందిరం వద్దకు చేరుకున్నారు. ఉదయం 7 గంటల నుంచి ఆలయంలోకి అనుమతిస్తున్నారు. అధిక సభ్యలో భక్తులు ఆలయ ప్రధాన ద్వారం వద్దకు ఒకేసారి రావడంతో తోపులాటకు దారితీసింది. ప్రస్తుతం ఆ వీడియో సోషల్ మీడియాలో చక్కర్లు కొడుతున్నది.కాగా, ఉదయం 7 నుంచి 11.30 గంటల వరకు, మళ్లీ మధ్యాహ్నం 2 నుంచి రాత్రి 7 వరకు అయోధ్య రామయ్య దర్శనం కల్పిస్తున్నారు. అయితే పెద్దసంఖ్యలో భక్తులు వస్తుండటంతో దర్శన వేళలను పొడిగించాలని రామజన్మభూమి తీర్థ క్షేత్ర ట్రస్టు యోచిస్తున్నది. ఆలయ పరిసరాల్లో భారీగా భద్రతా ఏర్పాట్లు చేశారు.
లోకల్ యాడ్స్
Admin
Aakanksha News
మరిన్ని వార్తలు
5.jpeg)
4.jpeg)
Developed By :
